Proclamatie Prins - CV de Katers

Ga naar de inhoud
Proclamatie Prins Twan I en Prinses Manuela
Leef Katers en Ketjes, leef luuj,
Gaer sjtèlle weer ós aan uch veur.
Ich, prins Twan 1, bèn gebaore es Klotskop en woon sinds 2004 in Houtem. Same mit mien prinses Manuela, gebaore es Parkuul, en oos drie kènjer, twieë echte Katers en ein Ketje.
Ten 1ste
Leef luuj, es geer al verrasj zeet, det weer hie sjtaon,
oos kènjer weite noe net pas, det weer hie mit de vastelaovend veurop zulle gaon!
Ten 2e
Zoa-es geer wèt, höbbe weer café D’n Aezel. Det doon weer al 15 jaor hieël gaer,
en ouch dao make weer mit uch dit jaor väöl plezeer.
Ten 3e
Dit jaor sjtaon weer veur ‘t ieës neet achter de bar mer d'rveur.
Det zal effe wènne zeen, mer weer gaon d'rveur.
Ten 4e
De maxi, de mini, de optoch, weer zeen d'r ummer bie en doon mit.
Weer haope, det d'r ouch dit jaor weer väöl sjoans bie zit!
Ten 5e
Bie HBC'09 en HV Born zeen oos kènjer hieël actief
en det weer meug langs de lien zulle sjtaon, numme weer mer veur leef.
Ten 6e
Ouch op de buun sjtaon zit bie oos femilie in ‘t blood.
Ravi bie de revuuj en Zara bie de Dancecats, det doon ze hieël good.
Ten 7e
Es weer deze vastelaovend zoaväöl plezeer höbbe es op ‘n oetsjtepke
van de vrouwluuj oet Houtem..
Leef luuj, den hawt uch mer vas, want dan höbbe weer hieël väöl sjpas.
Ten 8e
Weer zeen gruëtsj lid van De Houtemse Rockwiever en C.V. Van Alles Get.
Mit de vastelaovend en van teveure ummer dikke pret.
Ten 9e
Es weer same mit uch dees daag ‘n drenkske zulle drènke,
zulle weer ouch dèk aan de luuj die d'r neet mieë bie zeen dènke.
Ten 10e
Leef vrunj, femilie en Katers, ‘t is mer det geer ’t wèt,
weer numme uch in de polonaise allemaol mit!
Ten 11e
Vastelaovend in Houtem vènje weer ummer top
en dit jaor loupe weer same mit jeugprins….en jeugprinses… gruëtsj veurop!
ALAAF!
Terug naar de inhoud